Dialog Palang Pintu dalam Pilkada DKI Jakarta

Standar

Eh … bang-bang berenti, bang budeg ape luh…Eh… bang nih ape maksudnye nih … selong-selonong di kampung orang, Emangnye lu kagak tahu kalo nih kampung ade yang punye?…

Eh… Bang, rumah gedongan rumah belande, pagarnya kawat tiangnya besi, gue kaga mao tau nih rombongan datengnye dari mane mau kemane, tapi lewat kampung gue kudu permisi.

Oh… jadi lewat kampung sini kudu permisi, bang.

Iye emangnye lu kate nih tegalan.

maafin aye bang, kalo kedatangan aye ama rombongan kage berkenan di ati sudare-sudare…Sebelomnye aye pengen ucapin dulu nih Bang…Assalamu, alaikum.

Alaikum salam…

Begini bang…makan sekuteng di Pasar Jum,at, mampir dulu di Kramat Jati, aye dateng ama rombongan dengan segala hormat, mohon diterime dengan senang hati.

Oh … jadi lu uda niat dateng kemari…eh…Bang, kalo makan buah kenari…, jangan ditelen biji-bijinye…kalo ku udeh niat dateng kemari…gue pengen tahu ape hajatnye?…

Oh… jadi Abang pengen tahu ape hajatnye…emang Abang kage di kasih tau ame tuan rumehnye…Bang, ade siang ade malam, ade bulan ade matahari, kalo bukan lantaran pilkada, kaga bakalan nih calon gubernur yang gue dukung aye anterin ke mari.

Oh… jadi lantaran pilkada Abang kemari?…Eh… Bang, kage salah Abang beli lemari, tapi sayang kage ade kuncinye, kage salah abang datang kemari, tapi sayang tuh… kite ude ade punye calonnye.

Oh…jadi tuh pilkada ude ade calonnye, eh …Bang crukcuk kuburan cine, kuburan Islam aye nyang ngajiin, biar kate tuh pilkada udeh ade calonnye, tetep aje nih calon bakal aye jadiin.

…Jadi elu kaga ngerti pengen jadiin, eh … bang kalo jalan lewat kemayoran, ati-ati jalannye licin, dari pada niat lu kage kesampaian, lu pilih mati ape lu batalin.

Oh… jadi abang bekeras nih…eh …Bang ibarat baju udah kepalang basah, masak nasi udah jadi bubur, biar kate aye mati berkalang tanah, setapak kage nantinye aye bakal mundur.

Oh… jadi lu kage mau mundur, ikan belut mati di tusuk, dalam kuali kudu masaknye, eh… nih palang pintu kage ijinin lu masuk, sebelum lu penuin persaratannye

Oh…jadi kalo mao dapet pilkada sini ade saratnye, Bang…?

Ade…, jadi pelayan aje ada saratnye… apa lagi gubernur jakarta…

Kalo begitu… sebutin saratnye… Bang…

Lu pengen tau ape saratnye…kude lumping dari tangerang, kedipin mate cari menantu, pasang kuping lu terang-terang, adepin nih si babe jampang( se iman ,beradab dan bersih,jawaera pan gak songong)

Oh… jadi kalo mao jadi gubernur di sini saratnye Si Babe Jampang Bang…

Iye … kalo lu takut, lu pulang…

bintang seawan-awan, aye itungin beribu satu, berape banyak Abang punya syarat, aye bakal siapin satu-persatu.

Adu Jurus (adu visi dan misi)
bang, lu tau dalemnye rawe, pasti lu tau kali semanan, kalo mau tau namenye jaware, nih lu liat gue punye care mengatur jakarte. Nih ….baru kembangnye …. Bang…ntar buahnye…
Kelape ijo ditusuk belati naek, perahu lurus jalannye, udeh banyak jago yang mati, nih carenye kalo elu mau ngurus jakarta

Adu Ngaji (adu strategi)
Gimane Bang…rase-rasenye jagoan Abang udeh pade rontok semua nih…
ape aye ame rombongan udah boleh masuk?…ape masih ade saratnye lagi Bang?…

Ntar dulu Bang, enak aje… pan lu tau…
buah cereme jangan diasinin
makan nasinye di kandang kude
sarat pertame emang lu ude penuin…
tapi masih ade sarat yang kedue…

Sebutin udah bang jangan lame-lame
Tukang lakse dagangnye malam
jalannya muter ke pasar kranji
gue minta elu jangan cume bise berantem (adu visi dan misi)
tapi gue pengen denger lu bise ngaji (memaparkan strategi)

Tumbuk ketan jadinye uli
ulinye juge kudui ditapeni
betaun-taun anak kampung gue bisa ngaji
strategi apa yang Abang bisa sampein

Gimane Bang… soal berantem aye udah ladenin, soal ngaji abang udah dengerin
ape aye ame rombongan udah boleh masuk, ape masih ade saratnye lagi,
Bang?…

Cukup-cukup dah Bang…rase-rasenye kage sie-sie aye mendukung Abang
soal silat Abang jago…soal ngaji Abang bise…aye cuma bisa bilang…
buah mangga bukan sembarang mangga
buahnye satu tulung petikin
aye bangga bukan sembarang bangga
cagub dan wacagub yang begini yang aye arep-arepin
ahlan wasahlan buat Abang ame rombongan…
Assalamu, alaikum…

Selamat buat warga Jakarta, yang akan melakukan PILKADA 2017 ( Tiras Rm, Sept 2016)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s